Parents ko apne bachon ke saath friendly relationship rakhna chahiye, taaki bachche apne mann ki har baat khulkar share kar sakein. Agar bachon se koi Galati ho jaaye, toh parents ko na unhe daantna chahiye aur na hi dhamkana chahiye. Iske bajaye, unhe pyaar se samjhana chahiye ya calmly sahi behaviour batana chahiye, taaki woh Galati dobara Na ho."

"Parents ko chahiye ki woh apne bachon ke weak points ko pyaar se samjhayen, unhe sudharne mein help karein, aur unki feelings ko samjhein. Bachon ko sabke saamne insult nahi karna chahiye, balki unki baaton ko seriously lena chahiye, taaki woh koi galat kadam na uthaye. In sab cheezon se bachon ko depression mein jaane se bachaya jaa sakta hai. Agar zarurat ho, toh ek psychologist ki help leni chahiye, taaki bachche apni baatein khulkar share kar sakein."

"Parents ko bhi guidance milni chahiye taaki woh samajh sakein ki bachon se kaise deal karna hai, aur aaj-kal jo suicide cases badh rahe hain unhe rokne mein madad mil sake. Parents ko bachon par zyada pressure nahi daalna chahiye, na hi unhe har jagah jaane se rokna chahiye. Unhe expectations bhi kam rakhni chahiye. Bachon ke saath quality time spend karna chahiye, taaki unhe kabhi akela feel na ho. Agar bachcha kahin akela jaa raha ho, toh unhe timely call karte rehna chahiye, taaki unhe mehsoos ho ki aap unke saath ho."

"Aaj-kal academic pressure bhi bahut badh raha hai, isliye parents ko chahiye ki woh bachon ko support karein, unhe discourage na karein. Hamesha unka saath de, taaki woh aage badh sakein aur life mein kuch ban sakein. Bachon ka utsah badhate rehna chahiye—jaise kehna, 'You can do it!'—taaki unka confidence strong bane.

Jab parent’s’ aur bachon ke beech understanding badhegi, tab dono khush rahenge aur bachche ek ache insan ban paayenge. Isi tarah woh aane wali peedhi ko bhi kuch accha sikhha paayenge. Bachon ko har kaam karne ke liye abhi se strong banana chahiye, isse parents aur bachon ke beech pyaar aur bond dono mazboot hote hain.

"Agar aap apne bachon ke saath friendly nahi rahenge, toh woh apne saath ho rahe kisi bhi galat kaam ko aapse share nahi karenge. Unhe darr lagega ki aap unhi ko blame karenge, isi wajah se woh apne mann ki baatein batane se bhi ghabraayenge.

Aaj kal to na ladke safe hain, na ladkiyan — dono ke liye hi risks badh gaye hain. Isliye parents ko chahiye ki woh apne bachon ko har situation ke liye mentally tayyar karein. Yeh tabhi possible hai jab aap unhe samjhenge aur unke saath friendly rahenge. Tabhi bachche apne saath ho rahi achhi-buri har baat aapse bina dare share kar paayenge.

Isliye parents ko apne bachon ke saath friendly rehna bahut zaruri hai.
Dhanyavaad."